ponmoshiriunkuru

 

 kat koro kane

 

 repunkuru yukpo

 

 oka an akusu

 

 somo okaipe

 

 shine anta

 

 tumunchi yaikasure

 

 akoro yupi

 

 ne kusu

 

 ene hawe ani

 

 ekotchashi orun

 

 sake kara anakne

 

 yapan kusune na

 

 yayekamui

 

 sekoro

 

 shinukare

 

 hawe oka koro

 

 aki kusune na

 

 ratchi kamui mau

 

 sekoro hawe na koro

 

 kamui mawetok

 

 sake kari hine

 

 aehopumpa

 

 tutko rereko

 

 yapan ine

 

 ne koro

 

 isemram sekoro

 

 sake pirika wa

 

 akot chashi

 

 inumpa an ruwe ne

 

 takai sara ashru

 

 ikeshine su

 

 shikopayara

 

 iiyashkeuk sonko

 

 chashi pirika hi

 

 ukopoppare

 

 ako omommomo

 

 orowa neshi

 

 ahup an aike

 

 iyochiunkuru

 

 ayuputari

 

 akoro yupi

 

 opitta shiknu

 

 tureshi turano

 

 hine oka

 

 ek ruwe ne

 

 uraike pakno

 

 ruwesaniunkuru

 

 uraike kasu

 

 samputunkuru

 

 ukewehomsu

 

 rupettomunkuru

 

 anine orowa

 

 araki ruwe ne

 

 ramma kane

 

 uwerankarap wa

 

 

 

 

 

  ← 前ページ

 

 

 次ページ→