koyaiwennukara

 

 akutpokechiu

 

 aki tapki na

 

 aetempok konna

 

 hayokpe tak wa

 

 shikaekaye

 

 ikoropare yan "

 

 tane eashiri

 

 itakan chiki

 

 imoshit chupka

 

 ainu kushnam

 

 makkosampa

 

 uitak nu kusu

 

 imoshit chuppok

 

 akot tumunchi

 

 kurukosampa

 

 tumunchi soka wa

 

 sem korachi

 

 kamui oma nishi

 

 shiri iki wa

 

 yanshiri konna

 

 orowano

 

 pannatara

 

 urara ainu

 

 irukane koro

 

 rerek ainu

 

 kamui hayokpe

 

 aetametoko

 

 kamui ranke tam

 

 shennatara

 

 uwatnikoro

 

 aetametoko

 

 eokok wa

 

 koshne koshne

 

 kaparape kasa

 

 takne takne

 

 koweun hine

 

 rena newa

 

 ikurukashike

 

 aeumoni koro

 

 chioranke kara

 

 ki rok aine

 

 yairen kane

 

 tuwan rikomap

 

 hayokpe upushoro

 

 ayaiko okere

 

 aoshikiru

 

 koro eashiri

 

 kaparape kasa

 

 seta kikiri

 

 rantupepi

 

 uwashurashte

 

 ayaikoyupu

 

 aekeshke

 

 kamui ranke tam

 

 okake an koro

 

 

 

 

 

  ← 前ページ

 

 

 次ページ→