petetne kusu

 

 ane shiri anna

 

 ekon rorumpe

 

 sekon neshi un

 

 chikoikoshi

 

 hawe oka koro

 

 taneta pakno

 

 ipishkanike

 

 aeekarakaea wa

 

 menoko etun

 

 anan awa

 

 orai piuki

 

 akot tureshi

 

 nehi korachi

 

 kinin tusure

 

 urara ainu

 

 otiu tusure

 

 shinepa atui koro

 

 eyaikokanup

 

 tupa tuye koro

 

 ne rok awa

 

 raipa ye humi

 

 teeta kane

 

 takne takne

 

 ponpishi kotan

 

 ki rok aine

 

 ekoiki heta

 

 rutek ne ainu

 

 eronnu rokpe

 

 ane kusu

 

 kamui raitukap

 

 tane anakne

 

 ekoro kotanu

 

 isamam kotom

 

 tumi oyanke

 

 rai an kotom

 

 atuiso kata

 

 yainu an kusu

 

 rute ne nopo

 

 kanto kotoro

 

 eyaitunankare

 

 akoashike riki

 

 ruwe ne wa

 

 punihitara

 

 aekoram putuye yak

 

 " inkara kusu

 

 shomo eshiknu

 

 ituren pito

 

 noine nena sekoro

 

 itakan chiki

 

 akot tureshi

 

 uwonnere yan

 

 hawe anma tap

 

 tane anakne

 

 eka opashpe

 

 wen kamui tumi

 

 

 

 

 

  ← 前ページ

 

 

 次ページ→