inu anike

 

 parushpe kata

 

 ine rokpe kusu

 

 tekoraukire

 

 ayuputari

 

 rirash kitai ta

 

 pawetok koro wa

 

 tekoraukire

 

 hawashyaka

 

 rikuishuika

 

 aeramishikari

 

 chipekare

 

 ruwe ne

 

 pakno nekoro

 

 okake an koro

 

 iyochiunmat

 

 ponmoshiriunkuru

 

 tekoshma humkan

 

 shintoko oshmak

 

 naikosampa

 

 aoranrani ruwe ne

 

 iyochiunkuru

 

 shisak tonoto

 

 hopumpa shiri

 

 aukomaktekka

 

 auweraye

 

 iku an aine

 

 matekirap

 

 iresu sapo

 

 turuwetoko

 

 anipuntari

 

 ewakitara

 

 eshimukko

 

 anakki koroka

 

 ani kane wa

 

 teke ok katuhu

 

 chikupso uturu

 

 tameok katu

 

 erututke ap

 

 aerampeutek

 

 monekush konna

 

 itemeni kata

 

 tekoshma humkan

 

 tamoraukire

 

 naikosampa

 

 rirash kitai ta

 

 matekirap

 

 tamoraukire

 

 parushpe kuruka

 

 rikui suika ta

 

 ehopuni

 

 tamoraukire

 

 iresu yupi

 

 hontomota

 

 matohainoshpa

 

 rupettomunmat

 

 

 

 

 

  ← 前ページ

 

 

 次ページ→