ayaikoropare

 

 nishopara

 

 tanushko toiwa

 

 atte kane

 

 neno ampe

 

 irukane koro

 

 aeukotuima

 

 makan kat korope

 

 chiarikiki

 

 iteksamta

 

 atuiso kata

 

 horaochiupa

 

 pokna atui

 

 akourachari

 

 shikannare

 

 inkaran ruwe

 

 kanna atui

 

 ene okahi

 

 chipoknare

 

 inampe namne

 

 sem korachi

 

 ponainu ponkuru

 

 shiriki koro

 

 an nankora

 

 wen kamui tumi

 

 pirika rokpe kusu

 

 koyaiwennukara

 

 shiuk orowano

 

 aki rok aine

 

 akoerayap

 

 repunkuru kotan

 

 kanokampe

 

 kotan tapkashi

 

 karitempe

 

 pushkosampa

 

 etumam kashi

 

 kamui ariki hum

 

 teshnatara

 

 keurototke

 

 op kush kuni

 

 saure rametok

 

 tam kush kuni

 

 newa ne yakne

 

 aerampeutek

 

 kotom korokaiki

 

 tapeashiri

 

 makan utarapa

 

 iyochiunkuru

 

 ariki kusu

 

 turupak shiretok

 

 hoshki nishi

 

 turupak rametok

 

 tutakse nishi ne

 

 seturu kashta

 

 ukotutturuse

 

 inampe namne

 

 

 

 

 

  ← 前ページ

 

 

 次ページ→