tampe kusu

 

 keu kurukashi

 

 ashiri kinne

 

 yayeshiri pakno

 

 puyara orotpe

 

 oka rokpe

 

 sepka uturu

 

 pon menoko

 

 peken rera ne

 

 shikrap emko

 

 amau noyere

 

 koetusushke

 

 ahunan ine

 

 shiknu shiri

 

 poro itanki

 

 anukat tekkoro

 

 atek saikare

 

 chisoikatta

 

 arino suye

 

 aki wa orowano

 

 aranno suye

 

 senram sekoro

 

 " chioraniunmat

 

 ami kosonte

 

 kamui katkemat

 

 aeuperakuru

 

 wakka ikure ! sekoro

 

 ham ne koro

 

 itakan koro

 

 atui tomotuye

 

 poro itanki akotarara

 

 ekan aine

 

 iehoshno

 

 ine hunakta

 

 oka rok aine

 

 ekan koro

 

 akoritanki

 

 atui pesh kaiki

 

 ukkushu tekturi hita

 

 kunne urara

 

 attekpechi

 

 poyatek urara

 

 ashikoetaye

 

 aetereke shiri

 

 kurukashike

 

 shikopayara

 

 rai menoko

 

 ek aine

 

 akoosura

 

 ikoshirepa

 

 tata otta

 

 inkaran ruwe

 

 kimuntounkuru

 

 ene okahi

 

 kot tureshi

 

 urara penzai

 

 

 

 

 

  ← 前ページ

 

 

 次ページ→