tan iyoikiri

 

 ek oita hita

 

 ranpesh kunne

 

 kemekot wa

 

 chishiturire

 

 kamui moshitta

 

 enkashike

 

 earapa wa

 

 nishpa mutpe

 

 ekorainu

 

 otusan tuka

 

 erai wa neyak ne

 

 ouka uiru

 

 ekori yaunmoshiri

 

 ahun wa moire

 

 ramachi sak kuni

 

 pirika poisu

 

 kopan ma kusu

 

 otupechiripe

 

 rikun kanto wano

 

 karapare

 

 hayok turano

 

 humsupirikep

 

 ekora kotan

 

 suoro konna

 

 aeehoshipire

 

 echopopo

 

 ruwe ne awa

 

 pirika meshi

 

 ponpish kotan

 

 yanayanke

 

 ekoiki hita

 

 kurukashike

 

 eronnu rokpe

 

 itakomare hawe

 

 kamui ramachi

 

 ene okahi :---

 

 ainu rai tukap

 

 『 inkara kusu

 

 ekora kotan

 

 ehoshipi teksama

 

 tumi o yanke

 

 shino yupke kunip

 

 atuiso kata

 

 ne ruwe tapan

 

 eyaitunankare

 

 teeta kane

 

 ki yak anakne

 

 ponpish kotan

 

 shiknu kunip

 

 shisama moshiri

 

 tusa kunip

 

 sakpa iwampa

 

 ene katap ne

 

 matapa iwampa

 

 shomoki nankoro

 

 

 

 

 

  ← 前ページ

 

 

 次ページ→