ane ruwe ne wa

 

 iyepunkine rokpe

 

 kimuntounkuru

 

 ekatkara wa

 

 tu iriwakne wa

 

 eyuputari

 

 poniune nishpa

 

 anpakno eronnu

 

 kamui oro ipe

 

 hayok sakno

 

 kamui oro iku

 

 eshiko ekte

 

 koekaunkuru

 

 aanhi ka

 

 ne ruwe ne

 

 aeramishikari wa

 

 omai arape

 

 tanepo tapne

 

 emkosama

 

 anukara wa kusu

 

 aoresu menoko

 

 ipepo mashikin

 

 ane ruwe ne

 

 enoye kotom

 

 tapan nupuri

 

 iramu an ma

 

 nupuri kata

 

 parochosuke

 

 aiechise kara wa

 

 aeikarakara kusu

 

 nupuri chuppok wa

 

 aekusa kusu

 

 pon rupne ainu

 

 ranan shiri nena

 

 iwan utarapa

 

 itura " sekoro

 

 iyepunkine

 

 hawe anike

 

 nupuri chupka wa

 

 tane anakne

 

 hure maupo

 

 chekunip kamui

 

 iwan utarapa

 

 inoye kotom

 

 iyepunkinere wa

 

 yainu an ma

 

 iyechise karape

 

 rai an noine

 

 kimuntounkuru

 

 isam an noine

 

 aante hoku

 

 yainu ana koroka

 

 newa shiran awa

 

 chip upshotta

 

 tumunchi kamui

 

 heteme roshki

 

 

 

 

 

  ← 前ページ

 

 

 次ページ→