06　五穀豊穣に関する祝詞
　
五穀祭
　
掛介麻久母畏伎　天照大御神乎始米　五穀ｲﾂｸｻﾉﾀﾅﾂﾓﾉ乃神登坐須大神等乃御前爾　恐美
恐美母白左久
顕身乃人乃世爾在留物波　夏草乃甚繁久　千万登数閉母敢奴麻伝　沢爾在礼杼　命継具
食物ｸﾋﾓﾉ婆可里　尊伎物波在良受
故此五穀波　霊幸布ﾀﾏﾁﾊﾌ神代爾　奇備爾妙奈留　保食大神ｳｹﾓﾁﾉｵﾎｶﾐ乃身体ﾐﾏ与里　成
出伝多留物爾志弖　天照大御神　天熊大人乎遣波志坐弖　献上志米給比
是乎所看甚久歓坐弖　是波顕見蒼生乃食弖活久可伎物曽登詔ﾉﾘ給比
粟稗麦豆乎陸田ｸｶﾞﾀ乃種登成志　稲乎水田乃種登為志　天邑君乎定給比弖　天狭田長田
爾　植栽志米給比　
皇美麻尊乎　天下乃大王ｵﾎｷﾐ登定給比弖　天降志給布時爾　高天原ﾀｶﾏﾉﾊﾗ爾所御ｼﾛｼﾒｽ斎
庭ﾕﾆﾊ乃瑞穂乎授坐弖　天津日嗣ﾋﾂｷﾞ乃高御座爾大坐坐弖　遠御饌乃長御饌登　赤丹ｱｶﾆ
乃穂爾所聞食世登　事依志奉給比
大年神波蝗ｲﾅﾑｼ乎払比　禁厭業ﾏｼﾞﾅﾋﾉﾜｻﾞ乎教給比　大地主神ｵﾎﾄｺﾇｼﾉｶﾐ波　五百津ｲﾎﾂ乃
神且（金偏＋且）ｶﾑｽｷ取採志弖　高田窪田乎耕作留業乎教給比拡給比
志那津彦神志那津姫神波荒伎風乎防岐給比　水分神波水麻加須留事乎宰ﾂｶｻﾄﾞﾘ給比
埴安彦神埴安姫神波　肥埴ﾊﾆ乎爾夜須術乎教給比伎
斯久惶伎皇神等ｽﾒｶﾞﾐﾀﾁ乃専一登　御年乃事乎思志給比　力乎尽志給閉留波
只管ﾋﾀｽﾗ爾　青人草乎恵美愛ｳﾙﾊｼ美給布大御心爾奈母有介里
如斯ｶｶﾙ広伎厚伎御恩頼ﾐﾀﾏﾉﾌﾕ乃　露乃懸良麻志可婆　蒼生波如何伝繁殖ｳﾏﾊﾘ栄衣牟　如
何伝楽志久在経麻志夜
実ｹﾞ爾足引乃山与里母高久　綿津見乃海与里母深伎波　大神等乃大恵登　尊美辱奈美弖
限無伎真砂ﾏｻｺﾞ乃　其一津乎陀爾報奉良牟登
今日乃生日乃足日爾　御饌御酒種々乃物乎捧奉里弖　称言竟奉良久乎
平良介久安良介久　相嘗爾聞食弖　各々掌分坐須御功績乃随爾　恵給比幸給閉登　畏美
畏美母白須
　
水口祭　　　　　　　　　　　　　　　　　　　　　　　　　　参考：埼玉　金鑽神社
　
此乃真砂敷留浄伎所乎払清米弖　神籬刺立弖招奉里坐奉留　掛介麻久母畏伎金鑽大神乃
宇豆乃御前爾　宮司某　恐美恐美母白左久
大神乃常爾守護給布九郷用水乃　今年乃水田爾水引入留々時登志成奴礼婆
今日乎生日乃足日登撰定米弖　九郷用水組合議員田持総代諸々参来集比弖　毎年乃例乃
随爾　水口祭執行布登為弖
由貴乃御食由貴乃御酒種々乃美味物捧奉里　御祭仕奉留事乎　神随大御心爾　平良介久
安良介久聞食志弖　今由後九郷乃堰爾引入留々水乃行手爾　障里有良仕米受　所々爾水
能久分配弖　常爾足奴事無久余留事無久　皇神等乃広伎厚伎恩頼乎蒙良仕米弖
氏子等我降立知弖　水田爾植留若苗乎比多之培養弖　色青々登生育志弖　来牟秋波　天
乃狭田長田爾志那比茂里弖　稲穂乃八束穂爾成熟志米　村々里々乎甚賑々志久　立栄衣
行加志米弖
浦安乃静介伎里登　夜乃守日乃守爾守護給比　恵美幸給閉登　恐美恐美母白須
　
御田植祭（庭上式）　　　　　　　　　　　　　　　　　　　　参考：千葉　香取神宮
　
掛介麻久母畏伎　香取神宮乃大前爾　宮司某　恐美恐美母白左久
年毎乃例登五月五日波志母　大神乃御戸代小田爾　瑞乃玉苗植初牟倍伎　御田植祭仕奉
留日爾志有礼婆
神職等乎始米弖　草刈少女鋤手鋤取牛飼又種子早乙女等諸　斎廻里清廻里弖　是乃斎庭
母狭爾参来集比弖
石上古伎例登伝来志　御田返乃式仕奉良久波　斎鎌以知弖荒草刈取里　斎鋤斎鍬以知弖
荒鋤返志耕返志　牛爾挽加須留大鍬以知弖　土押志平均志和宜弖
早苗取植宇留設介乃事竟閉奴礼婆　被ｶﾂﾞ久華笠母花也加爾　八乙女等少女左比志弖　立
舞布袖乃軽久左耶加爾　田舞仕奉里弖　神慮宇羅我志奉良久乎　平良介久安良介久　聞
食世登白久
斯久忌庭乃御祭仕奉里弖　御戸代小田爾下里立津早乙女等波　花色衣爾茜染乃太襷取掛
介弖　笛鼓調倍合須留唄声面白久　御田植乃式仕奉良久乎　手躓足躓無久事畢閉志米賜
閉登　大前爾奉留御食御酒種々乃物乎　平良介久安良介久聞食志弖
此乃御氏子始米弖天乃下乃国民乎母守恵美幸給比
取作留奥津御年乎始米弖　草乃片葉爾至留迄　豊爾牟久佐加爾実良志米給閉登　恐美恐
美母白須
　
田植後豊穣祈願（日供祝詞辞別）　　　　　　　　　　　　　　参考：島根　美保神社
　
辞別弖白左久
大神等乃広伎厚伎大御蔭乎戴伎万津良牟登　年毎乃例乃随爾　早苗植畢衣志　遠近乃崇
敬者等我　只管爾心乎傾介　伊曽伊曽登参来　拝美乞祈美万津留状乎　諾比聞食弖　諸
人等我家爾母身爾母　由久利奈伎災　万乃禍事安良志米給波受　各母各母心穏爾身健加
爾　真乃道乃一筋爾　緩部事无久怠留事無久　家乃生業爾恪良美励万志米給比
煮衣加閉留水田爾　立知弖取作留奥津御年乎始米弖　作里登作留物波　草乃片葉爾至留
万伝　照留日遍久恵給比
悪伎風荒伎水爾安波世給波受　昆虫乃災奈久　豊加爾牟久佐加爾稔良志米給比
又養蚕乃業波申左久母更奈里　飼養布牛馬乃類爾至留万伝　健過爾蕃殖里栄衣志米給比
弖　秀倉豊介久　生活乃煙賑波志米　立栄衣志米給閉登　恐美恐美母乞祈奉良久登白須